Ragnheiður Jónsdóttir | febrúar. 13. 2014 | 21:00

GR: Sigríður og Svanhildur efstar eftir 5. púttmótið

Kvennanefnd GR greindu svofellt frá 5. púttmóti GR kvenna, sem fram fór í gær, miðvikudaginn 12. febrúar 2014: 

„Það var frábær stemmning á fimmta púttkvöldi GR kvenna þennan veturinn. Rúmlega 100 konur mættar til leiks og allar í banastuði. Mikið hlegið og skrafað að ekki sé talað um púttað. Flott skor og hart er barist á toppnum.
 
Það er gaman að segja frá því að þær stöllur Svanhildur og Sigríður, sem hafa skipst á að vera á toppnum síðustu vikurnar eru nú jafnar í fyrsta sæti  á 118 höggum eftir fimm hringi. Allt getur gerst því fast að þeim koma margir góðir pútterar sem geta auðveldlega slegist í toppbaráttuna. Enn er möguleiki á að ná draumahringnum sem slær öllu öðru út 🙂

Meðfylgjandi er staðan að loknum fimm púttkvöldum hér að neðan undir „Skjöl“.

Minnum á skoðanakönnunina sem við sendum ykkur í netpósti. Það er okkur mikilvægt að heyra ykkar álit til að geta betur komið til móts við þarfir og vilja félagskvenna.

Hlökkum til að sjá ykkur næsta miðvikudag“

Hér má síðan sjá stöðuna eftir 5. púttmót GR-kvenna: