Ragnheiður Jónsdóttir | janúar. 11. 2014 | 08:00

GR: Púttmót karla hefst 16. janúar n.k.

Púttmót GR-karla hefst fimmtudagskvöldið 16. janúar frá kl. 17:30 og stendur yfir í 10 vikur. Lokakvöldið að þessu sinni verður svo á föstudagskvöldið 21. mars.

Sex bestu umferðirnar af tíu telja.

Mótið verður með sama sniði og undanfarin ár. Leiknir eru 2 hringir á hverju kvöldi, eða 36 holur.

Einstaklingskeppnin:
Keppt verður um púttmeistara klúbbsins og skilar hver leikmaður 36 holu skori hvert kvöld.

Liðakeppnin:
Þrír leikmenn skipa hvert lið og spila allir 2×18 holur. Liðið skilar svo inn einu skori sem samanstendur af bestu fjórum 18 holu hringjunum af sex.

Einnig er hægt að hafa 4 í liði ef það hentar betur, en hvert kvöld telja einungis 3 leikmenn, og skal það upplýst hverjir telja, það og það kvöldið, áður en leikur hefst.

Mótsgjaldið er kr. 3000, sama og í fyrra, sem leikmenn greiða fyrsta kvöldið í peningum.

Lokakvöldið verður svo föstudagskvöldið 21. mars, eins og áður segir og verður verðlaunaafhending að loknu móti. Nánari útfærsla á lokakvöldinu er enn í nefnd og verður kynnt síðar.

Allar nánari upplýsingar veitir Halldór í síma 898 3795.