
Golfvellir í Rússlandi (5. grein af 9): Le Meridien Moscow CC
Armand Hammer, fyrrum forstjóri Occidental Oil Company gaf fyrrum forseta Sovétríkjanna gömlu, Leonid Brezhnev ráð hvernig laða ætti að erlent fjármagn og fjárfesta inn í landið. Hann sagði að til þess að lokka bandaríska fjárfesta yrði að sjá þeim fyrir þægilegum limmósínum og golfvöllum.
Gamla Sovétstjórnin skellti skollaeyrum við ráðinu og það var ekki fyrr en á 9. áratugnum með nýjum stjórnendum að golfleikur í Rússlandi var tekinn í sátt. Fyrsti golfvöllurinn sem byggður var, var eins og áður hefir komið fram á Golf 1 Moskow City Golf Club og það var sænski hokkíleikmaðurinn, Sven Tumba Johanson, sem lagði fyrsta hornsteininn að vellinum 15. september 1987.
Moscow Country Club, sem nú er rekinn af Le Meridien hótelkeðjunni fylgdi fljótt í kjölfarið. Völlurinn er staðsettur í Nakhabino 25 kílómetra norðvestur af Moskvu og var hannaður 1993, að undirlagi rússneska utanríkisráðuneytisins. Hugsuðirnir á bakvið völlinn voru Alexander S. Zinoviev, Ivan Sergyev og Antti Peltoniemi.
Völlurinn er á 300 hektara landareign, sem á er 131 herbergja 5 stjörnu Meridien hótelið, sem býður upp á öll þægindi lúxushótels: sundlaug, nuddstofu, sólarbekki, snyrtistofa, veitingastaða o.s.frv. Á staðnum er líka hægt að fara í squash eða blak eða á veiðar.
Vatn kemur við sögu á næstum helmingi allra brauta í Moscow CC sérstaklega á 576 yarda par-5 5. brautinni, sem er einkennisbraut staðarins. Mikilvægt er að leika staðsetningargolf þar. Lenda verður boltanum í drævinu hægra megin við vatnið og annað höggið verður að slá vinstra megin við aðra vatnshindrun og innáhöggið er einnig yfir vatn.
Golfvallarhönnuðurinn var Robert Trent Jones Jr., sem ruddi golfvöllinn í gegnum birkiskóg og sagði um völlinn að hann: „væri hefðbundinn skógarvöllur byggður á klassískri strategíu með vatnshindrunum til þess að skapa völl sem verðlaunaði áhættu og gerði golfleikinn spennandi og skemmtilegan.“
Á Russian Open Golf Championship árið 2008 varð Joakim Bäckström 2. kylfingurinn á Evrópumótaröðinni það árið til þess að fá albatross og það var á Moscow CC golfvellinum. Hann fékk albatrossinn á 15. braut vallarins, sem er 561 yarda.
Upplýsingar:
Komast má á heimsíðuna HÉR:
Heimilisfang: Le Meridien Moscow Country Club,
Nakhabino-1, Krasnogorsky District-
Moscor Region 143430 Russian Federation
Sími: +7 0 9592 65911
- janúar. 26. 2021 | 07:30 PGA Championship fer fram í Southern Hills 2022 í stað Trump Bedminster
- janúar. 26. 2021 | 06:00 Þjálfarinn Claude Harmon III segir aðskilnaðinn við fv. nemanda sinn Brooks Koepka „hrikalegan“
- janúar. 25. 2021 | 16:00 Afmæliskylfingar dagsins: Heimir Hjartarson, Svandís Thorvalds og Brynja Sigurðardóttir – 25. janúar 2020
- janúar. 25. 2021 | 05:00 Hvað var í sigurpoka Kim?
- janúar. 25. 2021 | 04:55 PGA: Si Woo Kim sigraði á American Express
- janúar. 24. 2021 | 23:59 LPGA: Jessica Korda sigraði á Diamond Resorts TOC!
- janúar. 24. 2021 | 17:00 Levy vann geggjaðan BMW með flottum ás!
- janúar. 24. 2021 | 16:30 Evróputúrinn: Tyrrell Hatton sigraði á Abu Dhabi HSBC mótinu!
- janúar. 24. 2021 | 16:00 Afmæliskylfingur dagsins: Ingvar Jónsson – 24. janúar 2021
- janúar. 24. 2021 | 08:00 PGA Tour Champions: Darren Clarke sigraði á Hawaii!
- janúar. 23. 2021 | 20:00 Golfgrín á laugardegi (4/2021)
- janúar. 23. 2021 | 16:00 Afmæliskylfingur dagsins: Yani Tseng ———– 23. janúar 2021
- janúar. 22. 2021 | 16:00 Afmæliskylfingur dagsins: Alfreð Brynjar Kristinsson – 22. janúar 2021
- janúar. 22. 2021 | 12:00 Cheyenne Woods í kaddýstörfum fyrir kærastann
- janúar. 22. 2021 | 11:58 Brooke Henderson endurnýjar samning við PING