Valdís Þóra Jónsdóttir, GL. Mynd: Golf 1
Ragnheiður Jónsdóttir | desember. 8. 2013 | 16:15

Glæsilegt hjá Valdísi Þóru!!!

Valdís Þóra Jónsdóttir, GL, komst í dag í gegnum I. stig úrtökumóts fyrir Evrópumótaröð kvenna, LET (Ladies European Tour), þ.e. Lalla Aicha Tour School Pre-Qualifying, sem fram fór í Royal Dar Es Salam golfklúbbnum í Rabat, Marokkó, dagana 5.-8. desember 2013.

Valdís Þóra náði 18. sætinu af 53 keppendum , en hún lék á samtals 20 yfir pari, 312 höggum (78 81 76 77).  Alls komust 23 efstu áfram að þessu sinni á lokaúrtökumótið sem fram fer 14.-18. desember n.k. í Samanah Golf Club & Al Maaden Golf Resort í Marrakech, Marokko, þ.e. Valdís Þóra leikur ekki sama völl og hún lék í Rabat.

Í Al Maaden er Tinna Jóhannsdóttir, GK, sem þátt tók þar í úrtökumótinu í fyrra. öllum hnútum kunnug, en Tinna er Valdísi Þóru til halds og trausts í úrtökumótunum.

Aðeins einni íslenskri konu hefir tekist að spila á Evrópumótaröð kvenna, þ.e. Ólöfu Maríu Jónsdóttur, GK, og nú er vonandi að Valdís Þóra geri það líka á keppnistímabilinu 2014!!!!

Frammistaða Valdísar Þóru er í einu orði sagt: glæsileg!!!

Til þess að sjá lokastöðuna á I. stigi úrtökumóts fyrir LET SMELLIÐ HÉR: