Ragnheiður Jónsdóttir | desember. 13. 2013 | 13:30

GKB: Jóhann endurkjörinn formaður

Aðalfundur Golfklúbbs Kiðjabergs var haldinn miðvikudaginn 11. desember. Á fundinn mættu 43 félagsmenn þar sem Jóhann Friðbjörnsson, formaður, flutti skýrslu stjórnar. Jenetta Bárðardóttir fór yfir reikninga klúbbsins og kom fram í máli hennar að hagnaður af rekstri klúbbsins var 856 þúsund krónur fyrir afskriftir og fjármagnsliði, en tap að frádregnum þeim liðum upp á 3,3 milljónir króna. Reikningar og skýrsla stjórnar voru samþykktar samhljóða á fundinum.

Fram kom í skýrslu stjórnar að um 2.000 færri hringir voru sráðir inn á www.golf.is en árið 2012. Má þar eingöngu kenna um slæmu veðurfari, sem var á suðvestur horni landsins mest allt sumarið.

Stjórnin lagði fram tillögu um að 5.000 króna gjald yrði innheimt af hverjum fullorðnum félaga, sem myndi vera inneign í veitingasölunni til úttektar á árinu 2014. Tillagan var samþykkt.

Stjórn GKB 2014. Mynd: Jóhannes Long

Stjórn GKB 2014. Mynd: Jóhannes Long

Jóhann Friðbjörnsson var endurkosinn formaður klúbbsins níunda árið í röð.

Aðrir í stjórn fyrir árið 2014 eru:
Jenetta Bárðardóttir gjaldkeri
Þorhalli Einarson ritari
Gunnar þorláksson meðstjórnandi
Snorri Hjaltason meðstjórnandi
Varamenn í stjórn eru:
Ágúst Friðgeirsson
Börkur Arnviðarson

Félagsgjöld
Tillaga stjórnar að félagsgjöldum 2014 var samþykkt og lítur þannig út:
Hjónagjald: 105.000
Fjölskyldugjald gildir fyrir hjón + börn að 16 ára aldri: 110.000
Einstaklingsgjald: 60.000
Hjón 67 ára og eldri: 90.000
Einstaklingar 67 ára eða eldri: 47.000
Hjón þar sem annar aðili er 67 ára eða eldri: 97.500
Börn/unglingar að 18 ára aldri: 20.000
Þeir sem eru í lánshæfu námi samkvæmt LÍ: 47.000
Golfbílagjald: 12.000

Innifalið í félagsgjöldum er 50% afsláttur af vallargjaldi fyrir gesti, eingöngu í fylgd með félagsmanni, virka daga, gildir 8 skipti. Fjaraðild án spilaréttar á vellinum, en þó innifalið einn hringur án endurgjalds, kr. 12.000. GSÍ aðild og aðgangur að golf.is.
Innifalið í fjölskyldugjaldi er: Hjón + börn eða barnabörn að 16 ára aldri.