GK: Kristján Þór og Tinna klúbbmeistarar Golfklúbbsins Keilis 2012

Það eru  Kristján Þór Einarsson og Tinna Jóhannsdóttir, sem eru klúbbmeistarar Golfklúbbsins Keilis 2012.

Kristján Þór var í 4.-6. sæti fyrir lokahringinn og 14 höggum á eftir þeim sem leiddi Rúnari Arnórssyni og var búinn að leiða alla 3 dagana. Í dag spilaði Krístján Þór draumagolf, skilaði inn „hreinu“ skollalausu skorkorti upp á 9 undir pari, með 9 fuglum (sem komu á 1., 2., 3., 5. 7., 12., 13., 16. og 18. braut).  Frábært golf hjá Kristjáni Þór!  Samtals spilaði Kristján Þór á 6 undir pari (73 72 71 62) þ.e. bætti sig á hverjum degi og spilaði á 1 höggi samtals betur en Rúnar Arnórsson, sem búinn var að leiða allt mótið en átti því miður afleitan lokahring upp á 77 högg og lauk keppni á samtals 5 undir pari og lauk keppni í 3. sæti.

Íslandsmeistarinn „okkar“ í höggleik 2011, Axel Bóasson lék vel á lokahringnum, var á parinu, 71 höggi og samtals  á 6 undir pari, líkt og Kristján Þór, þ.e. á 278 höggum (67 72 68 71).

Það varð því að koma til 3 holu umspils milli þeirra Axels og Kristjáns Þórs, sem teygðist nú reyndar aðeins úr. Fyrstu holuna Sandvíkina, par-3 10. brautina, sem er uppáhaldsbraut margra vann Axel, með fugli en Kristján Þór fékk par.  Þá næstu, 11. holu vann Kristján Þór, fékk par en Axel, skolla.  Síðan var allt jafnt á 12. þar sem báðir voru á parinu.  Á 13. braut var enn allt jafnt, báðir fengu þeir Axel og Kristján Þór par.  Það varð því að spila „auðveldustu braut Hvaleyrarinnar “ 14. braut og þar stóð Axel betur eftir teighöggið, en leik á þeirri holu lauk nú samt þannig að báðir fengu fugl.  Síðan var ákveðið að spila 18. og í fyrstu tilraun fengu báðir par.  Það var síðan endurtekið 3var sinnum og allt í stáli.

Keppnin á Meistaramóti Keilis hefir sjaldan verið meira spennandi og undir lokin var þetta ekkert annað en sálfræðitryllir af hæstu gráðu.  Reyndar sagði Ágúst Húbertsson, fv. framkvæmdastjóri Keilis að hann myndi eftir 12 holu umspili, þannig að þetta er alls ekkert óþekkt á Hvaleyrinni. En í sálfræðitryllinum  hafði sálfræðingurinn verðandi Kristján Þór Einarsson, klúbbmeistari Golfklúbbsins Keilis 2012, að lokum betur á 10. holu umspils, þegar ákveðið var að spila Sandvíkina einu sinni enn.  Þar fékk Axel skolla, en Kristján Þór par… og sigurinn hans. Kristján Þór þakkar kærestu sinni, Marý Valdísi Gylfadóttur, sem var kaddý hjá honum  sigurinn.

Úrslit í Meistaraflokki karla á Meistaramóti Keilis 2012:

Staða	Kylfingur	Klúbbur	Fgj.	Síðasti hringur					Dagar							Alls
				Hola	F9	S9	Alls	Mismunur	D1	D2	D3	D4	D5	D6	D7	Alls	Mismunur
1	Kristján Þór Einarsson	GK	-3	F	31	31	62	-9				73	72	71	62	278	-6
2	Axel Bóasson	GK	-2	F	35	36	71	0				67	72	68	71	278	-6
3	Rúnar Arnórsson	GK	-1	F	39	38	77	6				66	69	67	77	279	-5
4	Gísli Sveinbergsson	GK	3	F	36	32	68	-3				72	76	67	68	283	-1
5	Sigurþór Jónsson	GOS	1	F	35	33	68	-3				73	72	76	68	289	5
6	Einar Haukur Óskarsson	GK	1	F	39	36	75	4				72	75	69	75	291	7
7	Ingi Rúnar Gíslason	GK	0	F	33	40	73	2				74	75	69	73	291	7
8	Björgvin Sigurbergsson	GK	-1	F	36	36	72	1				71	71	78	72	292	8
9	Dagur Ebenezersson	GK	2	F	36	40	76	5				69	70	77	76	292	8
10	Helgi Runólfsson	GK	1	F	35	33	68	-3				80	75	71	68	294	10
11	Birgir Björn Magnússon	GK	4	F	38	37	75	4				71	72	79	75	297	13
12	Ísak Jasonarson	GK	3	F	35	38	73	2				77	73	76	73	299	15
13	Steinn Freyr Þorleifsson	GK	4	F	36	39	75	4				76	74	77	75	302	18
14	Benedikt Sveinsson	GK	4	F	38	37	75	4				83	76	73	75	307	23
15	Ágúst Ársælsson	GK	4	F	43	38	81	10				79	79	72	81	311	27
16	Hjörleifur G Bergsteinsson	GK	2	F	46	39	85	14				73	75	78	85	311	27
17	Ólafur Þór Ágústsson	GK	4	F	41	39	80	9				77	79	80		236	23

Tinna Jóhannsdóttir, GK. Mynd: Golf 1

Tinna Jóhannsdóttir var í forystu allt Meistaramótið í kvennaflokki og lét hana aldrei af hendi.  Hún varði klúbbmeistaratitil sinn frá árinu 2011 með glæsibrag, lék gott og stöðugt golf, alla 4 dagana. Tinna lauk keppni á samtals 3 yfir pari, 287 höggum (70 73 71 73). Glæsilegt hjá Tinnu!

Úrslit í Meistaraflokki kvenna á Meistaramóti Keilis 2012: