Geggjaðasti golfvöllur heims í Kína?

Þetta er e.t.v. geggjaðasti golfstaður heims – Mission Hills í Kína með sína 22 golfvelli.  Einn völlurinn, sem enn er verið að vinna í og hefir ekki opnað enn, er frekar sérstakur en þar eru allar holur með ákveðnu þema. Ein holan er t.a.m. þannig að flötin er „syndandi“ í stórri núðluskál með risaprjóna.

Þetta er aðeins ein brautin á þessum geggjaða golfvelli Brian Culey, golfvallararkítekts en meðal annars sem gefur að finna eru brautir þar sem Kínamúrinn er hindrun og aðrar sem lagðar hafa verið í gegnum rústir Maya og enn aðrar þar sem pöndur eru aðalviðfangsefnið.

Kínamúrinn er ein hindrana á golfvellinum – eitt af fáum mannvirkjum í heiminum sem sjáanlegt er með berum augum af tunglinu!

Eru Kínverjar að ganga af göflunum í undirbúningi fyrir Olympíuleikana, en þeir gera s.s. kunnugt er allt fyrir íþróttamenn sína?

„Þeir íhaldsömu eiga eflaust eftir að hata völlinn,“ sagði hönnunargúrúinn Brian Curley, sem er annar aðaleigandi Schmidt-Curley fyrirtækisins, sem stendur á bakvið 22 velli Mission Hills á Hainan eyju.

„En þetta er alvöru golf, með alvöru kylfum og alvöru brautum,“ sagði hann m.a. í skemmtilegu viðtali við CNN.

Lesa má allt nánar um völlinn með því að skoða frétt CNN frá því í dag um þennan geggjaða núðlusúpu-völl í Kína SMELLIÐ HÉR: