GA: Jason og Brynja sigruðu í Hjóna- og paramóti GA, Lostætis og Islandía Hótels Núpa

Í gær lauk Hjóna- og Parakeppni GA, Lostætis og Islandía Hótels Núpa en þetta var í sjöunda sinn sem mótið var haldið. Alls tóku 172 kylfingar þátt, þ.e. 86 pör. Í mótinu voru leiknir tveir hringir, og var leikið betri bolta fyrri daginn og Greensome seinni daginn. Veðrið var nokkuð gott á meðan mótinu stóð, en það var lítill vindur alla helgina og skýjað. Í gærkvöldi var svo haldið lokahóf og þar bauð Lostæti þátttakendum upp á glæsileg kvöldverð. Glæsileg verðlaun voru í boði. Sigurvegararnir hlutu að launum ferð fyrir 2 til Ameríku með Icelandair, glæsilegar hótelgistingar voru í boði ásamt fjölda annarra verðlauna. Vill Golfklúbburinn þakka öllum þeim sem styrktu þetta flotta mót, sérstaklega eigendum Lostætis og eigendum Islandía Hótels Núpa.

Úrslit voru eftirfarandi:

1.sæti – Brynja Herborg Jónsdóttir og Jason James Wright – 129 högg (63 og 66)

2.sæti – Irma Mjöll Gunnarsdóttir og Guðjón Bragason – 132 högg (62 og 70)

3.sæti – Guðrún R. Kristjánsdóttir og Ómar Örn Ragnarsson – 132 högg (61 og 71)

4.sæti – Anna Einarsdóttir og Arinbjörn Kúld – 132 högg (60 og 72)

5.sæti – Eygló Birgisdóttir og Hjörtur Sigurðsson – 133 högg (62 og 71)