Skemmdir urðu á golfvellinum sögufræga í Oak Hill, Rochester, New York bæði af völdum flóða og auk þess féll 80 ára eikartré á 8. flöt þar í gær. Á golfvellinum mun 4. risamót ársins, PGA Championship, í karlagolfinu, fara fram 8.-11. ágúst n.k. Skemmdirnar eru ekki svo miklar að áhrif hafi á mótahald og verða þær lagaðar á næstu dögum. A.m.k. verður allt komið í stand fyrir PGA Championship. Af vellinum er annars það að frétta að kafarar hreinsuðu tjörn við 15. holu í fyrsta sinn í 20 ár og voru ófáir golfboltar, sem og aðrir munir  fiskaðir upp  úr henni.  

Það er ótrúlegt en satt en með stuttu millibili hafa 4 kylfingar úr GS farið holu í höggi á heimavellinum, Hólmsvelli í Leiru. Þann 28. júní fór Arnar Ástþórsson holu í höggi í Bergvíkinni (3. holunni). Í fyrradag, 2. júlí 2013, fór síðan  Snæbjörn Guðni Valtýsson holu í höggi á 16. braut Hólmsvallar á Meistaramóti GS og notaði til þess 7-járn. Það var síðan í gær, 3. júlí 2013 sem Valdimar Birgisson gerði sér lítið fyrir og fór holu í höggi á erfiðu 13. brautinni (með vatnið fyrir framan).  Valdimar var einnig að spila í Meistaramóti GS. Þess mætti til gamans geta að Ragnar Hauksson var bæði í ráshóp með Lesa meira

Fyrirliði liðs Bandaríkjanna í Ryder Cup, Tom Watson, hefir valið tvöfaldan US Open risamótsmeistara (1978 og 1985), Andy North sem aðstoðarfyrirliða sinn í Ryder Cup, sem fram fer á næsta ári í Gleneagles í Skotlandi, 26.-28. september 2014. Watson tilkynnti um val sitt á blaðamannafundi sem haldinn var í tilefni af móti vikunnar á PGA Tour, þ.e. Greenbrier Classic, sem hefst í White Sulphur Springs, í Vestur-Vírgíníu í dag. „Andy veit hvað þarf til að sigra og það er það sem við þörfnumst í Ryder Cup liðinu,“ sagði Watson m.a. „Við þörfnumst leikmanna sem geta gengið frá málum.“ „Við höfum nú þegar rætt fram og tilbaka um leikmennina og þá Lesa meira

Natalie Gulbis, 30 ára, sagði í viðtali við Golf World í síðustu viku að hún sé að fara að gifta sig. Sá heppni er Josh Rodarmel, fyrrum leikstjórnandi (ens. quarterback) í Yale og meðeigandi Power Balance bracelet. „Það hefir verið gaman að laumupokast með þetta,“ sagði Gulbis m.a. „Mikið af lífi mínu hefir verið svo opinbert. Þetta er yndislegt.“ Gulbis gerðist atvinnumaður í golfi 2001, en hefir aðeins einu sinni sigrað á LPGA, þ.e. á Evian Masters 2007.  Hún hefir þó staðið sig virkilega vel undanfarið og greinilegt að Josh er að hafa góð áhrif. Meðal fyrrum kæresta hennar eru NFL ruðningsboltaleikstjórnandinn Ben Roethlisberger og PGA Tour kylfingurinn Dustin Johnson. Gulbis Lesa meira

Það er Baldvin Örn Berndsen, sem er afmæliskylfingur dagsins. Baldvin Örn er fæddur 3. júlí 1962 og á því 51 árs afmæli í dag! Eitt af fjölmörgum áhugamálum Baldvins Arnar er golf. Baldvin Örn er kvæntur Berglindi Helgadóttur og eiga þau saman 3 börn. Komast má á facebook síðu afmæliskylfingsins til þess að óska honum til hamingju með merkisafmælið hér að neðan: Baldvin Örn Berndsen Aðrir frægir kylfingar sem eiga afmæli í dag eru: John C. Palmer, 3. júlí 1918 – 14. september 2006; Guillaume Cambis, 3. júlí 1988 (25 ára) …. og …..   Marsibil Saemundardottir Halldór Örn Sudsawat Oddsson (49 ára) Anna Jóna Jósepsdóttir (26 ára) Ragnhildur Sesselja Gottskálksdóttir (57 ára) Postulín Svönu (54 ára) Lesa meira

Halla Sif, framkvæmdastjóri GA, hefur óskað eftir því við stjórn klúbbsins að láta af störfum til að takast á við ný verkefni. Stjórn hefur orðið við þessari ósk, en jafnframt varð að samkomulagi að Halla vinni uppsagnarfrest og ljúki við uppgjör á núverandi starfsári í október/nóvember nk. Halla Sif hefur verið framkvæmdastjóri GA síðastliðin sjö ár. Hefur samstarf Höllu við stjórn og starfsfólk verið með miklum ágætum og eru henni þökkuð góð störf á miklum framkvæmdatímum. Auglýst verður eftir framkvæmdastjóra fljótlega.

Volare Open kvennamótið vinsæla hjá GA verður haldið nk. sunnudag, 7. júlí 2013. Þetta er 18 holu punktakeppni með forgjöf og eru rástímar frá kl. 9:00 til 12:00. Veitt verða verðlaun fyrir 5 efstu sætin. Nándarverðlaun á 4. og 18. braut Verðlaun fyrir lengsta teighögg á 8. braut Kynning verður á Volare vörum. Volare konur koma okkur alltaf á óvart, við höfum að leik loknum fengið fótabað, axlanudd, handardekur 🙂 Hvað verður núna……… ?  Þetta er svo sannarlega eitt besta kvennamót ársins!!! Verð kr. 3.500.-

Í efnisleit á netinu að fréttum tengdu golfi verður ekki hjá því komist að rekast á ýmislegt forvitnilegt. Hér var nefið rekið inn á síðu sem heitir brobible.com, þar sem á er gömul frétt frá Masters mótinu. Fréttin heitir „35 heitustu konurnar í golfinu.“  Þar eru týndar til allskyns konur, ekki bara kvenkylfingar af LPGA, heldur einnig þátttastjórnendur golfþátta (Holly Sonders) og kærestur stjörnukylfinga (s.s. Caroline Wozniacki og Lindsey Vonn). Nokkra athygli vekur að Anna Rawson, Sarah Kemp, Sophie Sandolo og t.a.m. Anna Grezebien eru ekki á þessum lista, enda alltaf smekksatriði hverju sinni hverjum upp er raðað. Jafnframt vekur athygli að Alison Micheletti kæresta Martin Kaymer er „aðeins“ 35. heitasta Lesa meira

Ástralski kylfingurinn Brendan Jones vann 13. titil sinn á ferlinum á Japan Golf Tour og hlaut m.a. í verðlaun sæti á Opna breska. Jones sigraði á Mizuno Open með 3 höggum á næsta mann og heldur til Muirfield innan skamms en Opna breska risamótið fer fram síðar í mánuðnum. Meðal annarra og e.t.v. þekktari ástralskra þátttakanda á Opna breska eru: Adam Scott, Jason Day, Geoff Ogilvy, Peter Senior, Stephen Dartnall, Marcus Fraser, Steve Jeffress og John Senden. Brendan Jones sem er 38 komst í 4. sæti peningalista Japan Golf Tour með sigrinum. Hann vann sama titil árið 2004.

Minningarmót Harðar Barðdal verður haldið á púttvellinum við Hraunkot, mánudaginn 15. júlí næstkomandi kl. 18.00. Hraunkot er á svæði golfklúbbsins Keilis Hafnarfirði en æfingar GSFÍ hafa farið fram á æfingasvæði Keilis undanfarin ár. Veitt eru verðlaun í flokki fatlaðra og ófatlaðra og eru allir velkomnir að taka þátt í þessu móti. Einnig verður afhentur hvatningarbikar GSFÍ sem er  farandbikar gefinn af dætrum Harðar Barðdal í minningu hans. Skráning í mótið fer fram á staðnum.