Evróputúrinn: Sergio Garcia sigurvegari á Andalucia Masters á Valderrama

Það var Sergio Garcia sem stóð uppi sem sigurvegari á Andalucia Masters á Valderrama nú rétt í þessu, lauk hringjunum 4 á samtals -6 undir pari (70 70 67 71) þ.e. samtals 278 höggum samtals.  Það lítur út fyrir að Sergio sé á leið til Kína á HSBC-mótið!

Sergio eftir að sigurinn var í höfn.

Í 2. sæti aðeins 1 höggi á eftir varð landi Sergio, Miguel Angel Jimenez.  Hann spilaði á samtals -5 undir pari, samtals 279 höggum (71 70 68 70).

Í 3. sæti var síðan sá sem leiddi mótið fyrstu 2 dagana, Skotinn Richie Ramsay, 2 höggum á eftir Sergio Garcia.

Þetta er 2. sigur Sergio Garcia í röð á Spáni, en hann sigraði á Castelló Masters um síðustu helgi eins og mörgum er eflaust í fersku minni.

Til þess að sjá önnur úrslit á Andalucia Masters, smellið HÉR: