Ragnheiður Jónsdóttir | janúar. 31. 2014 | 13:45

Evróputúrinn: Rory enn efstur í hálfleik Dubaí Desert Classic

Rory þurfti ekkert sérstakan hring á 2. degi Omega Dubai Desert Classic til þess að vera betri en Tiger Woods, sem var með honum í ráshóp fyrstu 2 dagana.

Rory skilaði sér í hús á hring upp á 2 undir pari, 70 höggum og er því samtals á 11 undir pari og á toppnum, meðan að aumingja Tiger strögglaði frá teig að flöt og var á 1 yfir pari 73 höggum í dag.

Einn í 2. sæti er Bruce Koepka, sem átti hreint frábæran hring upp á 7 undir pari, 65 högg.

Nokkrir þekktir komust ekki í gegnum niðurskurð þ.á.m. Ernie Els, Miguel Angel Jimenez og kannski eins og viðbúið var áhugamaðurinn Javier Ballesteros, sem spilaði í boði mótshaldara, en engu að síður unun að sjá Ballesteros nafnið á skortöflunni og vonandi að hann feti í fótspor föður síns eftir laganámið! Javier stóð sig vel miðað við litlar æfingar, lék á samtals 1 yfir pari, 145 höggum (74 71).  Niðurskurðurinn var miðaður við 2 undir pari og því munaði aðeins 3 höggum að Ballesteros kæmist áfram!

Til þess að sjá stöðuna eftir 2. dag á Omega Dubai Desert Classic SMELLIÐ HÉR: