Evróputúrinn: Richard Sterne leiðir eftir 1. hring Omega Dubai Desert Classic

Það er Richard Sterne frá Suður-Afríku, sem tekið hefir forystu á Omega Dubai Desert Classic, sem hófst á Emirates golfvellinum í Dubai í dag.

Sterne lék á glæsilegum 10 undir pari, 62 höggum; tapaði hvergi höggi fékk 4 fugla á fyrri 9 og 6 á seinni 9 og síðan líka 8 pör.

Nokkrir eiga eftir að ljúka leik þegar þetta er skrifað en ólíklegt er að nokkur nái Sterne!

Í 2. sæti, aðeins 1 höggi á eftir er Skotinn Stephen Gallacher á 9 undir pari, 63 höggum. Gallacher fékk m.a. 2 frábæra erni á þessum mjög svo skrautlega hring; annar kom á 6. (par-4) og hinn á 13. braut (par-5). Auk þess fékk Gallacer 7 fugla, 7 pör og 2 skolla.

Þrír kylfingar deila sem stendur 3. sætinu á 7 undir pari, hver þ.e. þeir Tommy Fleetwood, Scott Jamieson og Chris Doak.

Til þess að sjá stöðuna eftir 1. hring Omega Dubai Desert Classic SMELLIÐ HÉR: