Evróputúrinn: Chris Wood sigraði á Qatar Masters

Englendingurinn Chris Wood sigraði svo sannarlega á lokametrunum í Commercial Bank Qatar Masters, með því að fá örn á 18. holuna.

Örninn tryggði honum 1 höggs sigur á George Coetzee frá Suður-Afríku og Sergio Garcia frá Spáni sem deildu 2. sæti á samtals 17 undir pari, hvor.

Chris Wood var á samtals 18 undir pari, 270 höggum sléttum (67 70 64 69). Skorkortið hjá Wood var ansi skrautlegt en hann byrjaði illa fékk skramba á 3. holuna og skolla á 6. holuna. Hann tók þetta aðeins aftur með 4 fuglum og 11 pörum, en 1 undir hringur dugði ekki til þess að knýja fram sigur.  Það var því örninn á 18. sem réði úrslitum og stuðlaði að 1 högga sigri Wood!!!

Þetta er 1. sigur Wood á Evrópumótaröðinni en hann hefir nokkrum sinnum landað 2. sætinu og verið meðal topp-10. Eftir hringinn sagði Chris sem er nýorðinn 25 ára m.a.: „Það er gríðarlegu fargi lyft af mér.  Mér finnst eins og ég geti haldið áfram og sigrað fleiri (mót).“

Englendingurinn Steve Webster og Alex Noren frá Svíþjóð deildu 4. sætinu á 13 undir pari.  Wood, Garcia og Coetzee höfðu því nokkuð forskot á aðra keppendur.

Branden Grace varð T-6 ásamt 2 öðrum  á 12 undir pari og Martin Kaymer varð T-9 ásamt 6 öðrum kylfingum á samtals 11 undir pari.

Til þess að sjá úrslitin á Commercial Bank Qatar Masters SMELLIÐ HÉR: