Dýr á golfvöllum: Iguana eðla réðst á bolta Andrew Loupe á Puerto Rico Open – Myndskeið

Græn iguana eðla réðst á golfbolta bandaríska kylfingsins Andrew Loupe á Puerto Rico Open. Sjá atvikið með því að SMELLA HÉR: 

Atvikið hafði lítil áhrif á Loupe sem lauk lokahring sínum á 69 höggum og varð í 12. sæti í mótinu á samtals 14 undir pari, 274 höggum (70 70 65 69).

Golf 1 hefir þegar kynnt Iguana eðlur lítillega, sem sjást af og til á golfvöllum í  Suður-Flórída og Suður-Ameríku – sjá með því að SMELLA HÉR: 

Þess mætti geta að þessar eðlur eru oft haldnar sem gæludýr, vegna þess m.a. hversu litskrúðugar þær eru, en allt viðhald á þeim þ.e. það að skapa þeim lífsskilyrði sem þær eru vanar er ansi erfitt og því gefast margir „gæludýraeigendur“ upp á þeim og sleppa þeim aftur út í náttúruna.

Talað er því um iguana eðlur í Flórída sem „disposable pets“ (gæludýrum sem er hent (út í náttúruna aftur)).

Víða í Suður-Ameríku eru matsölustaðir sem selja iguana-rétti – en menn leggja sér kjöt þessara eðla til munns og bragðið ekki ósvipað   kjúklingakjöti.