Birgir Leifur hefur leik á úrtökumóti fyrir Web.com á morgun

Birgir Leifur Hafþórsson, GKG, hefur leik á morgun á II. stigi úrtökumóts fyrir Web.com mótaröðina.

Leikið er á Southern Hills Plantation vellinum í Flórída, dagana 19.-22. nóvember, en alls eru mótin á II. stig, sex.

Birgir Leifur á rástíma kl. 9:03 að staðartíma (sem er kl. 14:03 að okkar tíma hér heima á Íslandi.

Keppendur í móti Birgis eru 78 og er ekki vitað á þessari stundu hversu margir komast áfram á næsta stig.

Margir þrælsterkir keppendur eru á þessu stigi úrtökumótsins m.a. Indverjinn Arjun Atwal, Wales-verjinn Rhys Davies og  Bandaríkjamaðurinn Frank Lickliter, 44 ára, sem m.a. vann 2 mót á PGA Tour 2001 og 2003 og á m.a. T-4 árangur á PGA Championship risamótinu, 1998!

Fylgjast má með Birgi Leif með því að SMELLA HÉR: