Belen nakin í Body Issue

Það er spænski nýliðinn Belen Mozo sem er einn af íþróttamönnunum í ár, sem situr nakin fyrir í „ESPN Magazine´s Body Issue”, sem kemur í bókaverslanir vestra á morgun, föstudaginn 7. október (líklega eitthvað eftir helgi hér á landi).

Belen er fædd 25. september 1988 og því  nýorðin 23 ára. Hún náði þeim glæsilega árangri að komast í gegnum Q-school á báðum helstu kvenmótaröðum heims og hefir því spilað bæði á LET og LPGA í ár.  Á síðasta ári landaði hún glæsilegum styrktarsamningi við „hvíta hákarlinn“, Greg Norman, en hún hefir m.a. klæðst fatnaði úr línu hákarlsins á þessu keppnistímabili; Greg Norman Collection apparel.

Belen spilaði með golfliði Trojans (þ.e. í Southern California) í bandaríska háskólagolfinu og telur það að sigra British Amateur hafi verið meðal stærstu stunda sinna í golfinu.

Margir kylfingar hafa setið naktir fyrir hjá ESPN Magazine´s Body Issue, m.a. Cristina Kim og W-7 módelin Anna Grezebien og Sandra Gal, en sú síðarnefnda var m.a. í Solheim Cup liði Evrópu 2011.  Skemmst er líka að minnast nektarmyndar af kólombíska kylfingnum Camilo Villegas í hinni frægu köngulóar- stellingu sinni, sem birtist í Body Issue.