Ragnheiður Jónsdóttir | febrúar. 16. 2014 | 10:00

Bandaríska háskólagolfið: Ingunn í 36. sæti e. 2. dag Seminole Match Up

Ingunn Gunnarsdóttir, GKG og golflið Furman háskóla taka þátt í Seminole Match Up, sem fram fer á Southwood golfvellinum í Tallahassee, Flórída.

Mótið stendur dagana 14.-16. febrúar og þátttakendur eru 60 frá 11 háskólum.

Ingunn tekur bara þátt í einstaklingskeppninni.   Hún er búin að spila fyrstu tvö hringina á samtals 11 yfir pari, 155 höggum  (78 77).

Ef Ingunn tæki þátt í liðakeppninni væri hún á 4. besta skori liðs Furman, en skor hennar er mun betra en þeirra sem keppa f.h. Furman og eru í 4. og 5. sæti og væri lið Furman því ofar á skortöflunni hefði Ingunn keppt fyrir skólann. Lokahringurinn fer fram í kvöld.

Til þess að fylgjast með gengi Ingunnar á Seminole Match Up SMELLIÐ HÉR: