09 OCT 2022: Photograph the Ron Moore Intercollegiate Golf Tournament at the University of Denver Golf Club at Highlands Ranch in Highlands Ranch in Denver, CO ©Jamie Schwaberow/Clarkson Creative Photography
Ragnheiður Jónsdóttir | janúar. 14. 2023 | 12:00

Bandaríska háskólagolfið: Gengi Huldu Clöru með Denver haustið 2022

Hulda Clara Gestsdóttir, GKG, Íslandsmeistari í höggleik 2021, er við nám og spilar með golfliði The University of Denver.

Á haustönn voru 4 mót og spilaði Hulda Clara í öllum þeirra, þrátt fyrir að vera einungis 2. bekkingur (ens. sophmore). Aðrir í liðinu eru annaðhvort efstubekkingar eða útskrifaðir!

Gengi Huldu Clöru var eftirfarandi:

1 Dick McGuire Invitational. Mótið fór fram dagana 12.-13. september 2022 á Championship Course hjá UNM í Albuquerque. Lið Denver varð í 6. sæti af 17 háskólaliðum í liðakeppninni. Hulda Clara varð T-67 af 93 þátttakendum á samtals 12 yfir pari, 228 höggum  (80 73 75).

2 Mason Rudolph Invitational. Mótið fór fram 23.-25. september 2023, í Nashville, Tennessee. Lið Denver varð í 11. sæti af 14 háskólaliðum. Hulda Clara varð T-55 af 78 þátttakendum, en hún lék á 227 höggum (75 73 79).

3 Ron Moore Intercollegiate. Mótið fór fram dagana 7.-9. október 2022 á Highlands Ranch, í Colorado. Lið Denver varð varð í 5. sæti af 16 liðum í liðakeppninni. Hulda Clara varð T-10 og á besta skori af „Denver Pioneers“, en hún keppti sem einstaklingur.

4 Stanford Intercollegiate hosted by Dr. Condoleezza Rice. Mótið fór fram dagana 21.-23. oktkóber 2022, í Stanford, Kaliforníu. Denver var T-10 af 19 liðum í liðakeppninni. Hulda Clara varð í 43. sæti af 100 þátttakendum á 6 yfir pari, 219 höggum. Í þessu móti náði hún lægsta skori sínu á tímabilinu, glæsilegum 69 höggum!!! Hringina 3  spilaði Hulda Clara  á (69 77 73).

Næsta mót Huldu Clöru og félaga er 13.-14. febrúar 2023 í San Diego, Kaliforníu.

Í aðalmyndaglugga: Hulda Clara Gestsdóttir í „Crimson and Gold“ – litum Denver University á Ron Moore Intercollegiate.