Bandaríska háskólagolfið: Gengi Andreu Bergsdóttur með CSU haustið 2022

Andrea Bergsdóttir er við nám og spilar með golfliði Colorado State University.

Haustið 2022 voru 4 mót á dagskrá hjá CSU Rams, liði Andreu og tók hún þátt í öllum þeirra.

Gengi hennar var eftirfarandi:

1 Badger Invitational. Mótið fór fram dagana 18.-20. september 2022. Mótsstaður var University Ridge GC, í Madison, Wisconsin. Andrea varð T-37, lék á samtals 225 höggum (71 76 78). Lið Colorado State varð í 7. sæti af 13 háskólaliðum sem þátt tóku.

2 Colonel Wollenberg Ptarmigan Ram Classic. Mótið fór fram í Ptarmigan Country Club í Fort Collins, Colorado, dagana 26.-27. september 2022. Andrea varð T-10, á samtals 3 undir pari, 213 höggum (71 71 71) og á næstbesta skori liðs síns. Lið Colorado State varð í 3. sæti af 11 liðum sem þátt tóku.

3 Ron Moore Women’s Intercollegiate. Mótið fór fram á Highlands Ranch í Colorado, dagana 7.-9. október 2022. Andrea varð T-25 af 90 þátttakendum og enn á ný á 2. besta skori liðs síns!!! Skor Andreu var 3 yfir pari, 219 högg (70 72 77). Lið Colorado State varð í 8. sæti af 16 liðum, sem þátt tóku í mótinu.

4 Rainbow Wahine Invitational. Mótið fór fram Kapolei golfklúbbnum í Hawaii, dagana 24.-26. október 2022. Andrea varð T-1!!!! Frábær árangur!!! …. og lið Andreu í 1. sæti í liðakeppninni!!! Andrea lék á 140 höggum (69 71). FRÁBÆR!!!

Andrea Bergsdóttir í Hawaii

Lið Andreu sigraði á Hawaii

Næsta mót Andreu og félaga er 6. febrúar n.k.