Bandaríska háskólagolfið: Arnór Ingi og Belmont í 2. sæti á Sunset Beach

Í gær lauk á Seatrail Golf Links, Myrtle Beach Intercollegiate, en mótið fór fram á Sunset Beach, Norður-Karólínu. Þátttakendur voru 70 og 13 háskólalið.  Íslandsmeistarinn okkar í holukeppni, Arnór Ingi Finnbjörnsson, GR og lið hans í Belmont Abbey háskólanum voru meðal þátttakenda og náðu þeim frábæra árangri að verða í 2. sæti.

Arnór Ingi spilaði hringina tvo á +4 yfir pari (76 72) og var á samtals 146 höggum og endaði í 23. sæti.

Belmont Abbey háskólinn er annars að gera það gott í Div II í bandaríska háskólagolfinu; komst á topp-25 í nýjastu Golf World Magazine/Nike Golf Division II og sambands bandarískra golfháskólaþjálfara (GCAA) könnuninni, yfir bestu golfliðin í Div II.

Til þess að sjá úrslit á mótinu smellið HÉR: