Allir íslensku keppendurnir komust í gegnum niðurskurð í Finnlandi – Frábær árangur!!!

Keppni er lokið í hjá „strákunum okkar“ í Finnlandi á 2. degi Finnish Amateur Championship og þeir eru svo sannarlega að gera góða hluti! Allir þrír, Arnór Ingi Finnbjörnsson, GR, Bjarki Pétursson, GB og Rúnar Arnórsson, GK komust í gegnum niðurskurð!!! …. sem er frábær árangur en aðeins 36 efstu eða þeir sem voru jafnir í 36. sætinu komust í gegnum niðurskurð af 93 þátttakendum.

Arnór Ingi er samtals búinn að spila á 1 undir pari (72 69) og deilir 12. sætinu með 4 öðrum kylfingum. Glæsilegt!!! Rúnar er á 2 yfir pari (72 72) og deilir 22. sæti með 5 öðrum kylfingum, sem er ekki síður glæsilegt og Bjarki lét hringinn í gær ekki á sig fá  og kom sér örugglega í gegnum niðurskurð á samtals 4 yfir pari (74 72) sem var nákvæmlega það sem þurfti, því niðurskurðurinn miðaðist við 4 yfir pari!!! Frábært hjá þeim!!!

Valdís Þóra Jónsdóttir, GL, er að sýna klassaleik. Þegar 3 holur eru eftir deilir Valdís Þóra 2. sæti  í mótinu á 1 undir pari í dag. Það er líka niðurskurður hjá konunum í dag og aðeins 18 af 39 keppendum sem halda áfram.  Nokkuð öruggt verður að telja að Valdís Þóra sé komin áfram. Hún er búin að fá 3 fugla og 2 skolla það sem af er hringsins í dag á 15 fyrstu holunum. Samtals er hún á 3 yfir pari og niðurskurður miðast við 8 yfir pari.

Þetta er sannkallaður glæsiárangur hjá þeim Arnóri Inga, Bjarka og Rúnari og Valdísi Þóra – frábærum fulltrúum íslenskra kylfinga, sem við getum öll verið stolt af!!!

Golf 1 óskar Arnóri Inga, Bjarka, Rúnari og Valdísi Þóru áframhaldandi góðs gengis á morgun!

Til þess að sjá stöðuna á Finnish Amateur Championship SMELLIÐ HÉR: