Afmæliskylfingur dagsins: Veronica Zorzi – 20. október 2011

Það er ítalski kylfingurinn Veronica Zorzi, sem er afmæliskylfingur dagsins í dag. Veronica fæddist í Veróna á Ítalíu (heimabæ Matteo Manassero) 20. október 1980 og er því 31 ára í dag.

Veronica gerðist atvinnumaður í golfi 10. október 2000. Hún hefir spilað á Evrópumótaröð kvenna (LET = Ladies European Tour) frá árinu 2001. Veronica hefir sigrað tvívegis á Evrópumótaröð kvenna, þ.e. á Vediorbis Open de France Dames árin 2005 og 2006.  Besti árangur Veronicu í ár á Evrópumótaröðinni eru 5. sætin í  Ladies Scottish Open og Open de España Femenino.

Árið 2006 gerði Veronica styrktarsamning við Mizuno, en hún notar kylfur frá Mizuno.

Meðal áhugamála Veronicu eru fótbolti, lestur góðra bóka, að fara í ræktina, fljótasiglingar (ens.: rafting), að fara í innkaupaferðir og í bíó.

Aðrir frægir kylfingar sem eiga afmæli í dag eru Tsuneyuki „Tommy“ Nakajima, 20. október 1954 (57 ára); Kristján Þór Kristjánsson, GK, f. 20. október 1967 (44 ára); David Lynn, 20. október 1973 (38 ára); Becky Brewerton, 20. október 1982 (29 ára).

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is