Afmæliskylfingur dagsins: John Francis Pott – 6. nóvember 2011

John Francis Pott fæddist 6. nóvember 1935 í Cape Girardeau, Missouri og er því 76 ára í dag. Hann ólst upp í Mississippi þar sem hann lærði að spila golf á golfvellinum þar sem pabbi hans var golfkennari. Hann spilaði með Louisiana State University í bandaríska háskólagolfinu og var í Tigers-liðinu þegar skólinn vann NCAA Championship árið 1955.

Pott gerðist atvinnumaður í golfi 1956. Hann sigraði 5 sinnum á PGA túrnum í kringum 1960. Hann var þrívegis í Ryder Cup liði Bandaríkjanna, 1963, 1965 og 1967, þó að hann meiddist í baki 1965 og gat lítið spilað.

Þegar leið að lokum daga hans á túrnum fékkst Pott við golfvallarhönnun og var í golfþjónustuiðnaðinum ásamt fyrrum félögum sínum á túrnum Ernie Vossler og Joe Walser Jr.  Pott hafði yfirumsjón með hönnunar- byggingar- og framkvæmdadeild Landmark Golf Management.

Árið 2008 tilkynntu Langtry Farms að þeir hefðu skipað Pott sem forstjóra Golf Operations (þ.e. yfirmann framkvæmdadeildar). Helsta verkefni Pott er að bera ábyrgð á byggingu  keppnisgolfvallar Langtry  og klúbbhúsi í Lake County, Kaliforníu.

Aðrir frægir kylfingar sem eiga afmæli í dag eru m.a.:  Mark Hume McCormack, f. 6. nóvember 1930 – d. 16. maí 2003; Halldór Bragason, f. 6. nóvember 1956 (55 ára); Pétur Aron Sigurðsson, GL,  f. 6. nóvember 1994 (17 ára).

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is