Afmæliskylfingur dagsins: Barbara Romack – 16. nóvember 2011

Barbara Gaile Romack fæddist 16. nóvember 1932 í Sacramento, Kaliforníu og er því 79 ára í dag.

Hún sigraði North and South Women´s Amateur mótið í Pinehurst 1952, Canadian Women´s Amateur 1953 og árið 1954 vann hún sjálfa Mickey Wright í US Women´s Amateur. Í kjölfarið var henni m.a. boðið í Hvíta húsið og hún og Bandaríkjaforsetinn Dwight Eisenhower urðu góðir vinir.

Árið 1955 varð Romack í 2. sæti á eftir Jessie Valentine í British Ladies Amateur, en mótið fór fram í Royal Portrush golfklúbbnum á Norður-Íralndi. Vegna afreka hennar þar var hún á forsíðu Sports Illustrated 16. apríl 1956. Í maí 1957 giftist hún Edward Wayne „Bud“ Porter, aðstoðargolfkennara á golfvelli hennar heima í Sacramento.

Romack varð í 2. sæti á eftir Anne Quast  í US Women´s Amateur árið 1958. Eins var Barbara Romack í Curtis Cup liði Bandaríkjanna 1954, 1956 og 1958. Romack komst á LPGA 1958. en vann aðeins 1 mót Rock City Ladies Open, árið 1963.  Hún hefir unnið á öldungamótaröðinni og hefir spilað golf allt sitt líf og spilar enn. Romack starfaði fyrir USGA sem sjálfboðaliði og á einum tímapunkti var hún varaforseti LPGA.

Aðrir frægir kylfingar sem eiga afmæli í dag eru m.a.: Betty Hicks, 16. nóvember 1920 (91 árs);  Gene Littier, 16. nóvember 1930 (81 árs);  Salína Helgadóttir, GR, 16. nóvember 1958; Dagbjört Kristín Bárðardóttir, f. 16. nóvember 1975 (36 ára);  Orri Heimisson, 16. nóvember 1995 (16 ára); Ævarr Freyr Birgisson, GA, 16. nóvember 1996 (15 ára)

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is