Ragnheiður Jónsdóttir | maí. 20. 2014 | 18:00

Afmæliskylfingar dagsins: Anna Sólveig Snorradóttir og Geir Jónsson – 20. maí 2014

Það eru Anna Sólveig Snorradóttir, GK, og Geir Jónsson sem eru afmæliskylfingar dagsins.

Anna Sólveig er fædd 20. maí 1995 og því 19 ára í dag. Hún er núverandi Íslandsmeistari í höggleik og holukeppni stúlkna. Anna Sólveig byrjaði að æfa golf 9 ára, en prufaði fyrst þegar hún var 8 ára. Í dag er Anna Sólveig í afrekshóp GSÍ. Hún tók þátt í Opna írska U-18 ára mótinu í apríl 2012 og stóð sig mjög vel, náði 2. besta árangri íslensku þátttakendanna.

Anna Sólveig Snorradóttir, GK. Mynd: Dalli

Árið 2012 spilaði Anna Sólveig bæði á Unglingamótaröð Arion banka og Eimskipsmótaröðinni. Þar er eftirminnilegt þegar Anna Sólveig landaði 2. sætinu á Íslandsmótinu í höggleik á Hellu á Eimskipsmótaröðinni og eins var hún í úrslitaleiknum um Íslandsmeistaratitilinn í holukeppni 2012, en þar laut hún í lægra haldi fyrir klúbbfélaga sínum Signýju Arnórsdóttur, GK.  Hér má sjá viðtal Golf 1 við Önnu Sólveigu eftir árangurinn glæsilega á Íslandsmótinu í holukeppni 2012 SMELLIÐ HÉR:  En Anna Sólveig hafnaði einnig í 4. sæti af konunum á 1. móti Eimskipsmótaraðarinnar í Leirunni 2012.

Anna Sólveig á 1. móti Eimskipsmótaraðarinnar í Leirunni 2012. Mynd: Golf 1

Anna Sólveig á 1. móti Eimskipsmótaraðarinnar í

Leirunni 2012. Mynd: Golf 1

Eins gekk Önnu vel á Unglingamótaröðinni: á fyrsta mótinu upp á Skaga varð Anna t.a.m. í 2. sæti.

Anna Sólveig Snorradóttir slær upphafshögg sitt á   1. móti Unglingamóta-raðar Arion Banka upp á Skaga, þar sem hún varð í 2. sæti. Mynd: Golf 1

Anna Sólveig Snorradóttir slær upphafshögg sitt á 1. móti Unglingamóta-raðar Arion Banka upp á Skag 2012, þar sem hún varð í 2. sæti. Mynd: Golf 1

Anna Sólveig varð síðan í 3. sæti á 2. móti Unglingamótaraðarinnar á Þverárvelli og eins á 3. mótinu í Korpunni (þ.e. í 3. sæti). Svo varð Anna í 2. sæti á Íslandsmótinu í höggleiki í stúlknaflokki í Kiðjaberginu og sigraði á síðasta móti Unglingamótaraðarinnar á Urriðavelli.

Anna Sólveig á Urriðavelli 26. ágúst 2012 - síðasta móti Unglingamótaraðarinnar þar sem hún sigraði sinn flokk 17-18 ára stúlkna. Mynd: Helga Björnsdóttir

Anna Sólveig tók þátt í ýmsum mótum erlendis 2012. Hún var t.a.m. í íslenska stúlknalandsliðinu ásamt Guðrúnu Brá Björgvinsdóttur, GK og Sunnu Víðisdóttur, GR sem keppti í European Girls Team Championship í Þýskalandi en þar urðu stúlkurnar Evrópumeistarar í Shoot-out.

Anna Sólveig varð síðan Íslandsmeistari með A-sveit Keilis í sveitakeppni GSÍ í stúlknaflokki seint á árinu 2012:

Íslandsmeistarar í A-sveit Keilis í sveitakeppni GSÍ 2012 í stúlknaflokki. F.v.:  Anna Sólveig Snorradóttir, Högna Kristbjörg Knútsdóttir, Sara Margrét Hinriksdóttir og liggjandi fyrir framan Saga Ísafold Arnarsdóttir. Mynd: Helga Laufey Guðmundsdóttir

Íslandsmeistarar í A-sveit Keilis í sveitakeppni GSÍ 2012 í stúlknaflokki. F.v.: Anna Sólveig Snorradóttir, Högna Kristbjörg Knútsdóttir, Sara Margrét Hinriksdóttir og liggjandi fyrir framan Saga Ísafold Arnarsdóttir. Mynd: Helga Laufey Guðmundsdóttir

Síðan var Anna Sólveig valinn efnilegasti kylfingurinn í lokahófi GSÍ 2012:

F.v.: Jón Ásgeir forseti GSÍ, Anna Sólveig Snorradóttir, GK,  Ragnar Már Garðarsson, GKG og Gylfi, forstjóri Eimskips

Efnilegasti kylfingurinn 2012 Mynd: gsimyndir.net

Í fyrra, 2013, lék Anna Sólveig, sem fyrr á Unglingamótaröðinni, sem og á Eimskipsmótaröðinni.

Eins tók hún, sem fyrr þátt í mörgum mótum erlendis t.a.m. aftur á Irish Girls Open í Roganstown á Írlandi 20.-21. apríl 2013, þar sem hún stóð sig best af íslensku keppendunum, landaði 14. sætinu!!!

Anna Sólveig sigraði í 1. móti sínu á Eimskipsmótaröðinni í fyrra, þ.e. Securitas mótinu úti í Vestmannaeyjum, sem fram fór 7.-9. júní 2013! Sjá má viðtal Golf 1 við Önnu Sólveigu með því að SMELLA HÉR: 

Haraldur Franklín og Anna Sólveig sigurvegarar á 2. móti Eimskipsmótaraðarinnar í Vestmannaeyjum 2014 - Securitasmótinu. Mynd: gsimyndir.net

Haraldur Franklín og Anna Sólveig sigurvegarar á 2. móti Eimskipsmótaraðarinnar í Vestmannaeyjum 2014 – Securitasmótinu. Mynd: gsimyndir.net

Strax í vikunni þar á eftir varð Anna Sólveig Íslandsmeistari í holukeppni stúlkna á Leirdalsvelli þ.e. 15. júní 2013:

Anna Sólveig Snorradóttir, GK, Íslandsmeistari í holukeppni í stúlknaflokki 17-18 ára - 15. júní 2013 á Leirdalsvelli. Mynd: Golf 1

Anna Sólveig Snorradóttir, GK, Íslandsmeistari í holukeppni í stúlknaflokki 17-18 ára – 15. júní 2013 á Leirdalsvelli. Mynd: Golf 1

Meðal þess eftirminnilegasta árið 2013 er að Anna Sólveig tók þátt í EM kvenna í júlí 2014.

Anna Sólveig (2. frá hægri) í liði Íslands á EM kvenna 2013

Anna Sólveig (2. frá hægri) í liði Íslands á EM kvenna 2013

Þann 9. júlí 2013 og fékk ás á EM kvenna.

Anna Sólveig þegar hún fékk ásinn á EM kvenna

Anna Sólveig þegar hún fékk ásinn á EM kvenna

Anna Sólveig er einnig núverandi Íslandsmeistari í flokki 17-18 ára stúlkna í höggleik, en þann titil vann hún í Leirunni 11. ágúst 2013.

Íslandsmeistarar í höggleik í flokki 17-18 ára 2013 - Isak Jasonarson, GK og Anna Sólveig Snorradóttir, GK. Mynd: golf.is

Íslandsmeistarar í höggleik í flokki 17-18 ára 2013 – Isak Jasonarson, GK og Anna Sólveig Snorradóttir, GK. Mynd: golf.is

Dagana 10.-12. 2013 september tók Anna Sólveig síðan þátt í Duke of York mótinu.

Það verður spennandi að fylgjast með Önnu Sólveigu í sumar á Eimskipsmótaröðinni, en hún er meðal keppenda á fyrsta móti ársins, sem fram fer í Leirunni 24. maí 2014.

Komast má á facebook síðu Önnu Sólveigar til þess að óska henni til hamingju með daginn hér fyrir neðan:

Anna Sólveig (19 ára – Innilega til hamingju með afmælið!!!)
Hinn afmæliskylfingur dagsins er Geir Jónsson.  Hann er fæddur 20. maí 1964 og á því 50 ára stórafmæli í dag!!!
Komast má á facebook síðu Geirs til þess að óska honum til hamingju með daginn hér að neðan:
Geir Jónsson · 50 ára – Innilega til hamingju með stórafmælið!!!
Aðrir frægir kylfingar sem eiga afmæli í dag eru:  Dave Hill, 20. maí 1937- d. 27. september 2011 (bróðir Mike Hill, f.  27. janúar 1939) Vann Harry Vardon skjöldinn ´69;  Liselotte Neumann, 20. maí 1966 (48 ára);  David Smail, 20. maí 1970 (44 ára)….. og ……..

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is