Ragnheiður Jónsdóttir | febrúar. 14. 2018 | 14:00

Nýju stúlkurnar á LET 2018: Laura Sedda (14/25)

Golf 1 mun nú kynna þær stúlkur sem hlutu fullan keppnisrétt á Evrópumótaröð kvenna, en lokaúrtökumótið fór fram í Marokkó í 16.-20. desember 2017.

Leiknir voru 5 hringir og voru stúlkurnar 60 að þessu sinni sem kepptu um kortið sitt, þ.á.m. Guðrún Brá Björgvinsdóttir, GK.

Það voru 25 efstu stúlkurnar sem komust á LET og baráttan í ár var hörð.

T.a.m. voru 6 stúlkur jafnar í 24. sætinu á samtals 4 undir pari, 356 höggum og varð að koma til bráðabana milli þeirra því aðeins tvö sæti voru í boði þ.e. það 24. og 25.

Það voru tvær norskar stúlkur sem sigruðu í bráðabananum þ.e. þær Celine Borge og Madeleine Stavnar (báðar með örn á par-5 18. holuna þar sem úrslitin réðust).

Þær 4, sem sátu eftir með sárt ennið voru hin spænska Maria Palacios Siegenthaler; Julie Aime frá Frakklandi; Kiran Matharu frá Englandi og Tiia Koivisto frá Finnlandi.

Þessar tvær heppnu stúlkur, sem unnu í bráðabanaum um 24. og 25. sætin hafa nú verið kynntar og eins stúlkurnar 5 sem urðu í 19.sæti en það eru Ariane Provot frá Frakklandi; Katja Pogacar frá Slóveníu; Ainil Bakar frá Bandaríkjunum; Sideri Vanova frá Tékklandi og Lucrezia Colombotto Rosso frá Ítalíu. Eins hafa þrjár stúlkur sem urðu í 16. sæti á samtals 6 undir pari, 354 höggum verið kynntar: Elia Folch frá Spáni; Cloe Frankish frá Englandi og Sanna Nuutinen frá Finnandi. Næst voru þær sem deildu 14. sætinu kynntar: Mireia Prat og Piti Martinez Bernal, en báðar léku þær á samtals 7 undir pari, 353 höggum.

Fimm stúlkur deildu 9. sætinu, en það eru: Julía Engström og Cajsa Persson frá Svíþjóð; Vikki Laing frá Skotlandi; Laura Sedda frá Ítalíu og Elína Nummenpaa frá Finnlandi. Þær léku allar á samtals 8 undir pari, 352 höggum. Vikki Laing hefir þegar verið kynnt og í dag er það Laura Sedda frá Ítalíu.

Laura Sedda

Laura Sedda fæddist 29. október 1992 í Arzignano á Ítalíu og er því 25 ára.

Sedda gerðist atvinnumaður í golfi 4. maí 2012.

Hér má sjá eldra viðtal LET Access við Lauru með því að SMELLA HÉR: 

Meðal áhugamála Sedda er að spjalla, vídeóleikir, að horfa á sjónvarpið og elda.

Sedda hefir óslitið frá 2014 tekið þátt í Q-school en án árangurs þar til nú.

Nú keppnistímabilið 2018 er Sedda komin með kortið sitt og fullan spilarétt á Evrópumótaröð kvenna.