Nordic Golf League: 3 íslenskir kylfingar tóku þátt í MRE Masters mótinu – Guðmundur Ágúst sá eini í gegnum niðurskurð!

Þrír GR-ingar, Andri Þór Björnsson, GR, Guðmundur Ágúst Kristjánsson, GR og Haraldur Magnús Franklín hófu keppni á Mediter Real Estate Masters mótinu í gær, en mótið fer fram 13.-15. febrúar 2018.

Mótsstaður er PGA Catalunya Resort í Barcelona á Spáni og spilað á tveimur keppnisvöllum Tour (par-70) og Stadium völlunum (par-72).

Aðeins Guðmundur Ágúst fór í gegnum niðurskurð, sem var miðaður við 1 yfir pari, eða betur.

Guðmundur Ágúst spilaði á samtals sléttu pari, 142 höggum (72 70).

Aðeins munaði 1 höggi að Andri Þór færi í gegn en hann var því miður á 2 yfir pari, 144 höggum (71 73).

Haraldur Franklín var langt frá sínu besta, lék á samtals 4 yfir pari, 146 höggum (74 72).

Til þess að sjá stöðuna á Mediter Real Estate Masters mótinu SMELLIÐ HÉR: