Nasa Hataoka
Ragnheiður Jónsdóttir | desember. 5. 2017 | 08:00

LPGA: 49 hljóta spilarétt á LPGA

Það eru 49 stúlkur, sem hljóta spilarétt á LPGA mótaröðinni, en lokaúrtökumót fór fram dagana 28. nóvember – 3. desember sl.

Af þessum 49 eru 20 sem hljóta kortið sitt og fullan keppnisrétt meðan næstu 29 hljóta takmarkaðan spilarétt og þátttökurétt í mótum LPGA.

Sú sem sigraði á lokaúrtökumótinu í ár er hin japanska Nasa Hataoka.

Ólafía Þórunn „okkar“ Kristinsdóttir náði þeim frábæra árangri að tryggja sér 2. sætið í lokaúrtökumóti LPGA í fyrra – hún þurfti ekki að reyna fyrir sér á úrtökumóti vegna glæsilegrar spilamennsku á nýliðaári sínu á LPGA.

Líkt og á undanförnum árum mun Golf 1 kynna nýju stúlkurnar á LPGA 2018.

Sjá má lista þeirra, sem tryggðu sér spilarétt á LPGA 2018 með því að SMELLA HÉR: