Ragnheiður Jónsdóttir | ágúst. 11. 2017 | 17:00

GSÍ: Taktu þátt í afmælisleik – Vinningur: ferð á Belfry

Í tilefni af 75 ára afmæli Golfsambands Ísland, hafa GSÍ og GB ferðir ákveðið að senda heppna kylfinga á Belfry. Það eina sem þú þarft að gera til að komast í afmælispottinn er að leika golf á sjálfan afmælisdaginn, 14. ágúst, og skrá forgjafar- eða æfingarhring á golf.is. Hringurinn má vera 9 eða 18 holur.

Einn kylfingur, sem leikur golf þennan dag verður dreginn út og fær að launum ferð fyrir tvo á hið sögufræga og glæsilega Belfry golfsvæði á auglýstum brottfarardögum GB ferða á tímabilinu 2017-2018.

Innifalið er 2 x flug með Icelandair til Birmingham, flugvallarskattur, flutningur á golfsetti, fjórar nætur í tvíbýli með morgunverði, ótakmarkað golf (hámark tveir hringir á Brabazon), aðgengi að heilsulind og líkamsræktarstöð hótelsins.