Ragnheiður Jónsdóttir | febrúar. 14. 2018 | 12:00

Bandaríska háskólagolfið: Björn Óskar varð T-25 í Alabama

Björn Óskar Guðjónsson, GM og golflið hans, The Ragin Cajuns, golflið Louisiana Lafayette háskóla tóku þátt í 1. móti vorannarinna hjá skólanum, Mobile Sports Authority Intercollegiate.

Mótið fór fram dagana 12.-13. febrúar og lauk í gær – þátttakendur voru 80 frá 16 háskólum.

Björn Óskar kemur vel undan vetrinum; varð T-25 þ.e. deildi 25. sætinu með Ryan Alford frá Louisiana Tech.

Hann lék á samtals 3 yfir pari, 219 höggum (73 71 75).

The Ragin Cajuns lönduðu 7. sætinu í liðakeppninni, sem þeir deildu með Jacksonville State og Richmond háskólaliðunum.

Sjá má lokastöðuna á Mobile Sports Authority Intercollegiate með því að SMELLA HÉR: 

Næsta mót Björn Óskars og The Ragin Cajuns er á heimavelli og ber heitið  „33RD LOUISIANA CLASSICS“ og fer fram 26.-27. febrúar n.k.