Webb Simpson. Mynd: pgatour.com

Webb Simpson. Mynd: pgatour.com 

Ragnheiður Jónsdóttir | ágúst. 8. 2017 | 16:00

Afmæliskylfingur dagsins: Webb Simpson ——- 8. ágúst 2017

Afmæliskylfingur dagsins er sigurvegari Opna bandaríska 2012, Webb Simpson. Webb sem í raun heitir James Frederick Simpson fæddist 8. ágúst 1985 og á því 32 ára afmæli í dag.

Sem áhugamaður var hann í sigursælum liðum Bandaríkjanna í Walker Cup og Palmer Cup 2007. Á háskólaárum sínum spilaði hann með golfliði Wake Forest og var þar á Arnold Palmer golfskólastyrk.

Eftir að Simpson gerðist atvinnumaður spilaði hann fyrst á Nationwide Tour (sem nú heitir Web.com Tour ekki þó eftir Webb Simpson :-) ) og varð 2 sinnum í 2. sæti þar. Á Q-school PGA Tour varð hann jafn öðrum í 7. sæti árið 2008 og spilaði því að PGA Tour keppnistímabilið 2009, þar sem hann hefir haldið sér síðan. Fyrstu sigrarnir komu hins vegar ekki fyrr en 2011, fyrsti sigurinn var á fyrsta mótinu sem Íslendingur (Ólafur Björn Loftsson, NK) tók þátt í á PGA Tour, þ.e. Wyndham Championship og svo sigraði hann líka á The Deutsche Bank Championship. Þessir sigrar urðu til þess að hann varð nr. 2 á peningalista PGA Tour. Webb Simpson var einnig í liði Bandaríkjanna í Forsetabikarnum 2011.

Síðasti sigur Simpson á PGA tour var á Shriners Hospital for Children Open 20. október á síðasta ári (2013) en sá sigur var sannfærandi en hann átti heil 6 högg á næstu keppendur þá Ryo Ishikawa og Jason Bohn.

Aðrir frægir kylfingar sem eiga afmæli í dag eru m.a.: Tony Benmore, 8. ágúst 1965 (52 ára); María Magnúsdóttir, 8. ágúst 1969 (48 ára); Karin Sjödin, 8. ágúst 1983 (34 ára); Kaffi Sólon, 8. ágúst 1986 (31 árs)

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is