Ólafía Þórunn og Jón Sigurður Helgason, framkvæmdastjóri KPMG.

Ólafía Þórunn og Jón Sigurður Helgason, framkvæmdastjóri KPMG. 

Ragnheiður Jónsdóttir | ágúst. 9. 2017 | 20:00

4 milljónir söfnuðust í góðgerðarmóti Ólafíu Þórunnar og KPMG

Hún var stórkostleg stemningin á Leirdalsvelli á góðgerðarmóti Ólafíu Þórunnar og KPMG þó svo að veðurguðirnir hafi séð ástæðu til að vökva völlinn all ótæpilega á köflum. Auk Ólafíu mættu til landsins fjórir LPGA kylfingar, þær Sandra Gal, Vicky Hurst, GAby Lopez og Tiffany Joh en samtals hafa þær stöllur þénað yfir 720 milljónir á ferlinum. Morguninn fyrir mót, þá slasaðist Gaby á æfingu og tók hún Valdís Þóra hennar pláss í mótinu. Auk LPGA kylfinganna voru 12 íslenskir afrekskylfingar skráðir til leiks.

21 fyrirtæki sendi þátttakendur í mótið og var leikfyrirkomulagið þannig að eitt lið samanstóð að fjórum einstaklingum og spiluðu þeir besta bolta sín á milli. Einn atvinnumaður eða afrekskylfingur spilaði með hverju holli og til að tryggja það að öll lið fengju að spila með atvinnumanni þá róteruðu þeir á fjögurra eða fimm holu fresti. Ólafía Þórunn lék svo 13. holuna með öllum keppendum mótsins.

Skor keppenda var skráð í beinni eftir hverja holu og var bæði hægt að fylgjast með stöðu liðanna sem og atvinnumanna/afrekskylfinga. Um 40 sjálfboðaliðar mættu til leiks og gáfu sína vinnu í þágu góðs málstaðar og héldu utan um þessa flóknu mótsumgjörð.

Að loknu móti fengu blautir en ánægðir þátttakendur eðal kvöldverð frá Vigni vert í Mulligan. Erlendu gestirnir auk Ólafíu Þórunnar og svöruðu spurningum frá fréttamönnum og keppendum. Barnaspítali Hringsins fékk jafnframt veglega ávísun upp á 4 milljónir króna sem söfnuðust í mótinu.

GKG þakkar öllum þeim fjölmörgu sem stóðu að þessu móti, Ólafíu Þórunni, KPMG, LPGA spilurunum, íslensku afrekskylfingunum, fyrirtækjunum sem tóku þátt og síðast en ekki síst sjálfboðaliðunum sem lögðu hönd á plóginn og gerðu þetta mót að veruleika.

Úrslitin urðu eftirfarandi:

Liðakeppnni

1 sæti, Lið Tryggingamiðstöðvarinnar á 57 höggum (-8 seinni níu)
Þórir Bragason
Alfreð Örn Lilliendahl
Jóhann Helgi Ólafsson
Viðar Guðmundsson

2 sæti lið Landsbankans á 57 höggum (-6 seinni níu)

Siggeir Vilhjálmsson
Pétur Bjarni Guðmundsson
Albert Guðmann Jónsson
Ólafur Magnús Magnússon

Keppni atvinnumanna og afrekskylfinga

Sandra Gal -4
Hlynur Bergsson -2
Nándarverðlaun

  1. hola – Pétur Óskar Sigurðsson ÍSAM ( 99,5 cm)
  2. 2. hola – Guðrún Brá GK ( 80 cm)
    3. hola – Siggeir Vilhjálmsson, Landsbankanum (2,0 m)
    4 . hola – Gunnar Skúlason, Skeljungi (1,36)